Жоспар көп

Қалалық мәслихаттың тұрақты комиссияларының бірлескен отырысында депутаттар 2021-2023 жылдарға арналған бюджет жобасын қарады.

Келесі жылға арналған бюджет жобасында автомобиль жолдарының жұмыс істеуін қамтамасыз етуге, көшелерді жарықтандыруға, абаттандыру мен көгалдандыруға, жол қозғалысы қауіпсіздігін қамтамасыз етуге, әлеуметтік төлемдерге, сондай-ақ мәдени-демалыс жұмыстарын қолдауға және қалалық кітапханалардың жұмыс істеуіне қаражат қарастырылды. Жалпы, 2021 жылдың бюджеті әлеуметтік бағытқа ие.

Сондай-ақ депутаттарға қолданыстағы заңнамаға сәйкес Өскемен қаласы бойынша коммуналдық қалдықтардың түзілу және жинақталу нормаларын есептеу үлгілері ұсынылды.

Қалалық мәслихаттың депутаттық өкілеттік және әлеуметтік-мәдени дамыту мәселелері жөніндегі тұрақты комиссиясының төрағасы атқарылған жұмыстар туралы есеп берді.

Тұрақты комиссиялардың отырысында ұсынылған барлық жобалар кезекті сессияда қаралатын болады.